Page 149 - Getroud met 'n Leuen

NabasDiep VERLIEF OP 'n LEUEN

U is die enigste hoop.
Bekeer my van sondes en verkeerde dinge.
Moenie dat ek aardse goed najaag en my siel verloor nie.
Dan kan ek nie kla nie as ek nie my mond kan
oopmaak en van U getuig nie, want U soek my siel.
Neem tog weg die smart van sielsverlorenheid in my!
Die druk wat die Heilige Gees op my lê, laat my steier.
As U ’n mens se siel wil hê, wil hê hy moet die sonde los,
verteer U hom en die aardse goed wat hy begeer,
soos ’n mot wat klere verteer.
Daar is geen twyfel nie: Elke mens se siel gaan heen
na die hemel of na die hel!
Verhoor tog my gebed, Here!
Hoor my smekinge om redding!
My trane is opreg in berou.
Want ek is net op u verlossing aangewys;
U alleen kan my red, soos vir al u kinders voor my.
Red my siel sodat ek weer ware vreugde kan ervaar
voordat ek in vrede sterf en vir ewig in die hemel leef

Die Psalms is ongelooflik!. Hulle is almal in smart verwerk vir ons tyd en dag en hoe wonderlik
is hulle nie. Dank God die Vader altyd oor alles in die Naam van ons Here Jesus Christus, ook
wanneer dit vrot en ellendig gaan. Nou praat Paulus oor die aardse verhouding tussen man
en vrou. Ons weet nie presies hoe dit in die Bybelse jare gegaan het met verhoudings tussen
man en vrou nie. Die opset was baie anders, vrouens het nie veel regte gehad nie en hulle
huwelike was meesal vooruit gereël, maar daar was baie suksesvolle huwelike. Dink net wat
sou in ons hardkoppige nasie gebeur het as huwelike vooruit beplan is, die skeisyfer sou beslis
verdubbel het, maar daar is ook meer duistere redes soms binne huwelike. Paulus sê dat mans
aan Jesus onderdanig moet wees, maar min van ons verstaan regtig wat dit beteken en hy sê
vrouens moet aan hulle mans onderdanig wees en net daar slaan die emansipasie Paulus se
stelling vir 'n ses. In vandag se lewe kan weinig vrouens onderdanig aan 'n man wees nie, dis
net nie die inding nie. Eintlik is dit 'n Christen vraag aan elke mens wat regtig aan God behoort.
Hierdie ‘onderdanig’ beskryf Paulus spesifiek as hy sê die man is die hoof van die vrou net
soos Christus die hoof van die kerk is. Nou lê die volgende vraag aan die wortel van die
vallende boom, is die kerk nie ook in die greep van verval net soos die huwelik nie? Die rede
is voor die hand liggend, as Christus nie die hoof van die kerk is nie, en die man is nie
onderdanig aan Hom nie, en die vrou is nie onderdanig aan die man nie, dan is die Bybel en
die Woord van God ook nie meer geldig in vandag se tye nie. Maar God sê geen jota of tittel
van die Woord van God sal verval nie. Daarom is dit kardinaal belangrik dat beide Christen
mans en Christen vrouens baie diep moet besin en duidelikheid kry en groot moet belê in die
ware betekenis van ‘onderdanigheid soos God wou hê ons moet leef’’. In wese gaan dié storie
oor die huwelik in dieselfde trant van: Mat 12:25 ..en geen stad of huis wat onderling verdeeld
is, sal staande bly nie. As die huis in homself verdeeld is oor die verkeerde interpretasie van

* Verwys asseblief na die Verkorte Woordelys agter. 149