Page 150 - Getroud met 'n Leuen

NabasDiep VERLIEF OP 'n LEUEN

wat onderdanigheid is, hoe kan hy staande bly? Ek is baie seker dat Jesus wat dit gesê het, dit
ook direk op ons huis van toepassing maak, ons huis en ons verhoudings binne die huis.

Efesiërs 5:33 verduidelik dat daar 'n nou verband bestaan tussen hoe God die kerk lief het, en
ho die man sy vrou moet lief hê soos hy homself liefhet, en 'n vrou moet aan haar man eerbied
betoon. Die eerbied gedeelte is natuurlik totaal afwesig in 'n toksiese verhouding, maar ons
moet die inhoud van die woord ‘eerbied’ in hierdie konteks sien as 'n Goddelike eerbied en
nie ons normale verstaan van die woord eerbied nie, dit is baie meer spesiaal. Die
huweliksverhouding loop gewoonlik uit op die geboorte van 'n kind of kinders binne ‘n
huwelik. Daar is 'n gesegde deesdae wat sê ouers moet gesien word en nie gehoor word nie.
Maar die Woord sê baie duidelik: “Kinders wees aan julle ouers gehoorsaam, want die tien
gebooie sê eer jou vader en jou moeder en dit is wat God van ons vereis.” Natuurlik kan dit
nie gebeur as die ouers nie kinders binne 'n verhouding met God grootmaak nie, en nog
minder as die ouers die vervalle norme van die samelewing rondom hulle as die maatstaf
toepas. Dit is niks anders as groepsdruk wat op ouers toegepas word nie en geniet satan dit
nou nie baie nie! Vaders moenie julle kinders so behandel dat hulle opstandig word nie (
eintlik sê dit ouers julle moet die voorbeeld stel in handel en wandel) MAAR maak hulle groot
met tug en vermaning soos die Here dit wil.

En dan, om op te som, kom Paulus in Efesiërs met die wapenuitrusting wat ons nodig het vir
die lewe. Dit is nie toksiese geweld, of skinder, of arrogansie, of eiewaan, of verhewenheid,
of eiebelang, of baasskap, of geld, of roem, of eer, of belangrikheid, of beter as ander wees
nie, maar soek julle krag in die Here en in sy groot mag. As jy daaraan twyfel, gaan skryf neer
al jou seëninge, hou 'n joernaal van al die wonderlike dinge wat in jou lewe plaasvind en gaan
terug en lees dit in tye van swaarkry. Die duiwel wil hê jy moet jouself met anders mense se
‘beter’ vergelyk! Nee, trek die volle wapenuitrusting aan wat God ons gee, sodat ons op ons
pos kan bly ondanks die listige aanslae van die duiwel. Weereens moet ons tyd maak om die
volgende in te drink en vas te lê en te verstaan: “Ons stryd is nie teen vleis en bloed nie, maar
teen elke mag en gesag, teen elke gees wat heers oor hierdie sondige wêreld, teen elke bose
gees in die lug.” Dink net hoe belangrik is dit as selfs Jesus in sy modelgebed (die Onse Vader)
vir ons leer om te bid en te vra dat God ons sal verlos van die bose, ja, laat ons nie in die
versoeking kom nie, maar vermy die versoeking deur hom in die kiem te smoor.

Ons moet die stryd voer tot op die einde toe sodat ons nog staande kan wees op ons pos.
Jesus sê dat elke mens sal sy knie voor Hom kom buig. Dit is so, maar meer belangrik is die
feit dat al jou aardse ondersteuning, hetsy familie, vriende, mense, geld, roem, drank, dwelms
en belangrikheid beteken absoluut niks nie wanneer jy jou knie buig voor die ontsaglike God.
Niemand en niks van al die aardse verheerliking en aansien sal daar saam met jou staan nie,
net jy EN let wel; net JY. Dink nog 'n keer daaraan, nie 'n groot huis, tien plase, 5 spogkarre, 2
miljoen Instagram volgers, of die rykste mens op aarde sal jou help nie, net 'n lewe wat goed
geleef is in die dinge van God, gaan op daardie oomblik die verskil wees tussen die ewige lewe
of die hel. Dit is soos rekenaars se grepe, 'n nul of 'n een, niks anders nie en dit strek nie oor
tagtig jaar op aarde nie, dit strek tot in ewigheid. As ons reken daar is gesteentes op aarde
wat 5000 miljoen jaar oud is of ouer, waar gaan jou ewigheid wees vir die volgende 50000
miljoen jaar? Maar daar is hulpmiddels vir ons om die goeie stryd te voer tot op die einde:

* Verwys asseblief na die Verkorte Woordelys agter. 150