Page 188 - Getroud met 'n Leuen

NabasDiep VERLIEF OP 'n LEUEN

Nogtans het geld vir miljoene mense 'n afgod geword waardeur hulle hulle volledig laat
beheers. Geldsug dryf mense na dobbelmasjiene, laat hulle Lotto-kaarte koop. Geldsug bring
mense tot korrupsie en diefstal. Geldsug veroorsaak afguns, haat en nyd in gesinne en
families. En dit gebeur regtig waar nie net in ons lewens nie, maar dit gebeur ook in die kerk.
Afgod Mammon verstik ook die goeie saad van God se Woord en laat gedoopte
verbondskinders afgly na die wêreld van verval. En die duiwel lag in sy vuis.

En wat van afgod Sport? Daar is niks verkeerd met die beoefening van 'n sport as sodanig nie.
'n Sportiewe wedstryd kan 'n ontspannende en verrykende ervaring wees. Maar vir hoeveel
mense het sport die een en die al geword? Sodat die krieketoorwinning van die Springbokke
meer indruk maak as die verskriklike honger in ons land. Sport het so 'n afgod geword dat
sommige hoërskoolkinders vrystelling van belangrike leervakke kry as hulle uitstaande
sportprestasies vir hulle skool lewer. Sportwedstryde het die heiliging van die Here se dag
uitgehol en hou mense uit die kerk. Sport hou ons kinders uit Katkisasie en hou ons uit die
kerk op Sondag omdat ons nie van die televisie af kan wegbly nie.

Ook studie kan sommer 'n afgod word. Die drang om hoë slaagsyfers en onderskeidings te
behaal, om eervolle vermeldings te kry, om te kan spog met grade en diplomas kan 'n obsessie
in iemand se lewe word waardeur hy of sy al hoe meer in beslag geneem word. En ook hierdie
afgod gaan nie aan die kerk se deure verby nie. Hoe dikwels gebeur dit dat katkisante in toets-
of eksamenweke nie eers een uurtjie katkisasie kan bywoon nie, of nog erger as dit veroorsaak
dat jou Sondag die beste studiedag word. Want, o, die eksamen, die eksamen. Maar ewe eens
kan vakansie, ontspanning en stokperdjies afgodery vir ons word. As ons daaraan soveel tyd
en soveel geld bestee, dat dit in geen verhouding staan tot die tyd wat ons aan die ondersoek
van God se Woord, die geld wat ons Sondae in die kollekte bord gooi en die tyd wat ons aan
die kerk spandeer, dan is ‘n ieder van hulle 'n potensiële afgod.

So kan enige ding wat ons in hierdie wêreld uit God se hand ontvang, onder die invloed van
die duiwelse geeste, 'n afgod word: jou verloofde, jou huwelik, jou kinders, jou musiek of
televisie, drank of seks, 'n politieke leier, 'n aanlyn speletjie of enigiets. God se Woord dwing
ons egter om daarmee rekening te hou dat hierdie dinge regtig kan gebeur, deur die werking
van die duiwel se bose geeste. Die afgod wat ons die minste verstaan en die meeste aanbid,
is ons kinders en ons eggenoot. Om waarlik 'n Bybelse balans te kry tussen familie en
afgodery, dit kom net uit die hand van die Here. Maar vra jou af of jy jou kind sal offer, soos
Abraham vir Isak ge-offer het, maar terselfdertyd moet jy dit doen teen die agtergrond van
God wat sy Seun vir jou ge-offer het. Die vraag eindig nie hier nie, dit gaan verder om te vra
dat, as God so ernstig was om ons te red deur sy Seun te laat sterf, hoekom sal Hy nie met
dieselfde erns na ons besluit kyk nie? “As jy Jesus wil volg omdat jy 'n beter lewe wil hê , dan
is dit afgodery. Jy moet Christus volg terwille van Christus” – Paul Walsher. En net so sê John
Calvin “Wat is afgodery anders as om: dit wat God gee te aanbid in stede daarvan om God
self te aanbid” en laastens sê John Piper “Ons maak 'n afgod van elke ding waarin ons meer
vreugde vind as in God self, so, vind jou vreugde in God en jou afgodery sal verdwyn.”

Aan die begin was my gebed dat ek tog nie mense so moet vrees nie, toe was dit om verlossing
te vind en so met die groeiery saam het dit al meer hemelwaarts gedraai sodat ek wysheid en
insig kan kry, sodat ek stil kan word en luister, dat ek berusting kan kry dat God se genade

* Verwys asseblief na die Verkorte Woordelys agter. 188