Page 191 - Getroud met 'n Leuen

NabasDiep VERLIEF OP 'n LEUEN

aksies. Hulle het wel gereedskap wat hulle kan gebruik om te help om empatie te
vervals, soos geld, geleerdheid, posisie, status, godsdiens en vele meer maar dit is als
komponente wat meesal daarop gemik is om ander te beïndruk en dit alles om ‘n vals
fasade voor te hou of te vertoon.

✓ Hulle glo dat hulle inherent belangriker is as dié rondom hulle. Dit word
gedemonstreer deur hulle optrede, hulle totale verontagsaming van ander mense se
sienings, oortuigings en minagting van ander mense se regte en reg op eie persoonlike
spasie en tyd.

✓ Hulle smag na erkenning vir hulle inherente meerderwaardigheid. Hulle sal gedurig vir
ander laat verstaan hoe hard hulle werk, hoe besig hulle is, hoe hulle tyd deur ander
gebruik en misbruik word net sodat hulle bejammer, erken of geag kan word. Elke
geleentheid wat hulle kry, sal hulle gebruik om ander te laat verstaan dat mense maar
net nie sonder hulle kan klaarkom nie.

✓ Hulle vertoon uiterste arrogansie deur hulle gesindheid en gedrag. Hulle luister selde
na wat ander sê en sal gereeld inbreek maak wanneer ander praat, of bo-oor ander
praat. In ‘n verhouding is hulle onvermoënd om hulleself nie te sien as die enigste een
in die verhouding nie en daarom die wederhelf te sien as net ‘n verlenging van
hulleself. Hulle neem besluite namens die ander en lewe ‘n lewe sonder om die ander
party te erken of te ken, want hulle is eintlik die spil waarom alles draai.

✓ Hulle is paranoïes dat ander op hulle afgunstig moet wees, want dit wys hoe belangrik
hulle is.

✓ Hulle het 'n onnatuurlike gevoel van eie geregtigheid, glo dat die wêreld aan hulle
behoort.

✓ Hulle is obsessief met fantasieë van mag, liefde, skoonheid, briljantheid en sukses.
Hulle spandeer ure om altyd op hulle beste te lyk. Die storie boek lewe is hulle
werklikheid.

✓ Hulle byt ander uit om hulle konstante behoefte aan bewondering en aandag te
vervul.

✓ Hulle glo dat hulle spesiaal en uniek is en slegs verstaan kan word deur, of geassosieer
moet word met, ander spesiale of hoë status mense of instellings.

Kognitiewe Dissonansie word as volg in Wikipedia beskryf: Op die gebied van die sielkunde,
vind kognitiewe dissonansie plaas wanneer 'n persoon teenstrydige oortuigings, idees of
waardes handhaaf , en tipies sielkundige stres ervaar wanneer hulle deelneem aan 'n aksie
wat teen een of meer van hierdie oortuigings gaan. Volgens hierdie teorie, wanneer twee
aksies of idees nie sielkundig in ooreenstemming met mekaar is nie, doen mense alles in hulle
vermoë om hulle te verander totdat hulle konsekwent raak. Die ongemak word veroorsaak
deur die persoon se geloof wat bots met nuwe inligting wat waargeneem word, waarin hulle
probeer om 'n manier te vind om die teenstrydigheid op te los om hulle ongemak te
verminder.

* Verwys asseblief na die Verkorte Woordelys agter. 191