Page 197 - Getroud met 'n Leuen

NabasDiep VERLIEF OP 'n LEUEN

te lees. As die toksiet aas uitsit in die vorm van inligting aangaande die toksiet se vals front,
en die potensiële bron (slagoffer) gebruik die aas deur die toksiet van positiewe toksiese
voedsel te voorsien, dan weet die toksiet hier is ‘n slagoffer wat die moeite werd is om te
probeer vang. Positiewe toksiese voedsel is verering, aanbidding, goed laat voel,
komplimente, ensovoorts. Dit kom daarop neer dat die slagoffer moet die toksiet bewonder
vir watter valse inligting die toksiet ook voor die neus van die slagoffer gewaai het. As die
toksiet dan ook nog aanklank vind by die slagoffer is dit feitlik ‘n uitgemaakte saak dat die
verhouding gevestig gaan word.

Sekondêre toksiese aanbod behels die voorhou van die beeld dat hulle 'n goeie lewe leef ('n
waardige bron van trots vir die narsis), die handhawing van 'n veilige bestaan (finansiële
sekuriteit, persoonlike aanvaarbaarheid, opwaartse groei), en die verkryging van
kameraadskap. Mense met toksiese persoonlikheidsversteuring steun emosioneel op ander
om hulle gevoel van identiteit te onderhou (voed) en hulle selfbeeld te reguleer. Hulle kry
hulle toksiese voorraad (kos) óf deur ander te idealiseer en na te volg (emuleer) of deur hulle
meerderwaardigheid op ander af te dwing of om ander as niks af te maak. Enigiemand wat
hulle kan manipuleer — 'n eggenoot, vennoot, kind, vriend of kollega – is 'n potensiële bron
van voorraad. Sonder verskaffers (slagoffers) is narsiste leë velle. As 'n bron van voorraad
padgee, kan hulle probeer om hom terug in te suig en / of moet hulle vir ander bronne soek.

‘n Toksiet is verlore sonder toksiese voorrade. Hulle het voorraad nodig soos plante en diere
water nodig het. Voorraad behels aandag, bewondering, respek, aanbidding en selfs angs.
Sonder hierdie lewens noodsaaklike lewegewende kos, sal die toksiet totaal disfunksioneel
word.

Verwaarlosing is 'n passiewe vorm van mishandeling waarin versorgers die emosionele,
sielkundige en/of fisiese behoeftes van hulle afhanklike(s) ignoreer. Dit kan wissel van om nie
voldoende kos of skuiling te verskaf nie tot die versuim om liefde, toesig of beskerming te gee
en te bied.

Geen kontak: Mense wat deur 'n toksiet misbruik is, mag besluit om hulle bande heeltemal
met daardie persoon te verbreek. Tipies, mense wat besluit om ‘Geen Kontak” te gaan het
hulle eie lewensgrense erg of traumaties laat skend en uiteindelik swoeg hulle om alle
kommunikasie met die toksiet af te sluit. Vir volwasse kinders van narsiste, is die ‘geen
kontak’ ‘n diep traumatiese en pynlike keuse wat moet plaasvind want dit is 'n kwessie van
oorlewing ten einde die siklus van seer te breek en om te probeer om genesing te vind. Die
oorgaan tot ‘geen kontak’ deur ‘n volwassene, veral van 'n ouer, is moeilik om te verduidelik
aan mense wat nie narsisme en die verwoestende gevolge van so verhouding verstaan nie,
en dit mag slagoffers verder isoleer.

Mense met NPD ly aan 'n onvermoë om in reële tyd 'n bewustheid van algehele positiewe
gevoelens en vorige positiewe ervarings met mense in hulle lewens te handhaaf wanneer
hulle op een of ander manier teleurgestel word of seergemaak word. Wanneer dit geaktiveer
word, stort die toksiet se kontinuïteit van persepsie in duie en verander na ‘n ‘in hierdie
moment reaktiewe emosie’. Byvoorbeeld, as ‘n toksiet se kind vergeet om 'n takie te doen,
kan die toksiese ma woedend word en hom/haar straf, aangesien die gedrag so opsetlik of

* Verwys asseblief na die Verkorte Woordelys agter. 197