Page 53 - ҚАЗАҚ ТІЛІ. 5-СЫНЫП. АТАМҰРА

7-тапсырма. Мәтіннің тәрбиелік және эстетикалық мәнін ұжым болып
талдаңдар.
Көп ұзамай оқшауырақ тігілген қалыңдық отауының жаны-
нан қызылды-жасылды киінген қыз-келіншектер шоғыры дүрк
етіп қозғалып кетті. Қастарында тай-құнанға мінген жасөспірім
балалар, жол бастайтын, ат ұстайтын бірен-саран атқосшы
жігіттер бар, жиын саны жиырмадан кем болмас. Бұл өзі қарауға
көз тоймайтын қызық та сәнді топ еді. Күн нұрына шағылған
күміс ер-тұрманды, кілең сәйгүлік ат мінген үкілі қыздар – бей-
не көл бетінен көтеріліп ұшқан аққулар секілді. Олар екі-екіден
сап түзеп, шеру тарта жөнелгенде, Тасболат би мен Айтолқын
бастатқан үлкендер де тайлы-тұяғы қалмай сыртқа шығып, та-
машасына қарап тұрды.
(Қабдеш Жұмаділов)

8-тапсырма. Мәтіндегі көңіл толқытарлық жағдаяттар қандай сөздер-
дің көмегімен берілген. Суреттеп жаз.

9-тапсырма. Өздерің білетін мақал-мәтелдерді төл сөз етіп қатыстырып,
сөйлем құраңдар. Төл сөзді төлеу сөзге айналдырып, тыныс белгідегі
өзгерістерді табыңдар.

10-тапсырма. «Бес саусақ» тәсілі арқылы сұрақтарға жауап жазыңдар.

бас бармақ – басты мәселе. Бүгін сабақта ең құнды мәселе
қандай болды?
балалы үйрек – бірлесу. Мен топта/жұпта қалай жұмыс
жасадым? Кімді риза қылдым?
Ортан терек – ойлану. Мен бүгін ауыспалы мағыналы
сөздерді қолдана алдым ба?
шылдыр шүмек – шынайылық. Сабақ маған ұнады ма?
Неліктен?
Кішкентай бөбек – көңіл күй ахуалы. Мен өзімді сабақта
қалай сезіндім?

51